«маданият вазирлиги» тегли мақолалар
«Чет элда ноқонуний хатти-ҳаракат қилган санъаткорларимиз учун Маданият вазирлиги жавоб беришига тўғри келяпти» — Озодбек Назарбеков
Маданият вазирлиги хорижда концерт қўяётган ўзбекистонликларни ҳамкорликка чақиряпти. Вазир Озодбек Назарбековнинг сўзларига кўра, «биз Ўзбекистоннинг имиджини тиклашга ҳаракат қилаётганимизда, кимдир бориб уни синдиришига йўл қўймоқчи эмасмиз». Унинг қўшимча қилишича, бу цензура ё тақиқ эмас.
«Эркинлик берилган жойда санъаткорлар ҳамма ерни расво қиляпти» — маданият вазири
Озодбек Назарбеков маданият соҳасида давлат регулятор бўлмаслиги ҳақидаги фикрларга муносабат билдираркан, соҳани қушга қиёслади ва уни маҳкам ушлаш зарурлигини таъкидлади. «Эркинлик берилган жойда санъаткорлар ҳамма ерни расво қиляпти», — деди у.
«Цензурани халқ талаб қиляпти» — Озодбек Назарбеков «маънавият экспертизаси» ҳақида
Маънавият маркази теле- ва радиоканаллар, ижтимоий тармоқлар учун тайёрланаётган медиамаҳсулотлар «маънавият экспертизаси»дан ўтказилишини эълон қилган эди. Маданият вазири Озодбек Назарбековнинг сўзларига кўра, лойиҳа ҳозирча халқ муҳокамасида, узил-кесил қарор қабул қилинганича йўқ.
Ўзбекистонда концертлар сценарийлари «миллий анъаналар»га мувофиқлигини олдиндан текшириш таклиф қилинмоқда
Маданият вазирлиги концерт ташкилотчиларига миллий қадрият ва анъаналарга риоя этилишини текшириш учун «Ўзбекконцерт»га батафсил сценарий тақдим этиш мажбуриятини юклашни таклиф қилмоқда. Мақсад — саҳнадаги «ножоиз хатти-ҳаракатлар»нинг олдини олиш. Ариза йиғими ҳам жорий этилиши мумкин.
«Ўзбеккино» кино ишлаб чиқаришни тўхтатса, соҳада ривожланиш бўлади — Озодбек Назарбеков
Маданият вазири Озодбек Назарбековга кўра, «Ўзбеккино» (Кинематография агентлиги) кино ишлаб чиқаришни тўхтатса, соҳада силжиш бўлади. «„Ўзбеккино“ фақат буюртмачи бўлиб, хусусий ширкатларни ривожлантириши ва қўллаб-қувватлаши керак», — деган вазир агентлик фаолияти ичидан ўрганилаётганини айтди.
«Моддий манфаат олиш мақсади бўлмаган». Маданият вазирлиги — Озодбек Назарбековнинг реклама ролигидаги иштироки ҳақида
Маданият вазирлиги Озодбек Назарбековнинг кийим бренди рекламасидаги иштирокини изоҳлаб, бундан «маҳаллий ишлаб чиқарувчиларни қўллаб-қувватлаш кўзда тутилгани, вазирнинг моддий манфаатдорлик олиш мақсади бўлмагани»ни билдирди. «У мамлакатнинг барча қонунларига қатъий риоя этади», — дейди вазирлик.
Нодирбек Сайфуллаев ЎзДСМИ ректори этиб тайинланди
ПА Маданият ва санъатни ривожлантириш шуъбаси мудири лавозимида ишлаб келаётган Нодирбек Сайфуллаев Ўзбекистон давлат санъат ва маданият институти ректори лавозимига тайинланди. У бундан аввал Миллий рассомлик ва дизайн институтига ҳам ректорлик қилган.
«Вазирликнинг 2 млрд сўм тиккани ҳамманинг кўзига кўриняпти». Озодбек Назарбеков — «Овоз» лойиҳаси ҳақида
Маданият вазири Озодбек Назарбеков бюджет тақчиллиги шароитида «Овоз» телелойиҳаси учун салкам 2 млрд сўм, «Боболарим» кино-клипига эса 2,7 млрд сўм ажратилганига муносабат билдирди. Унинг айтишича, бошқа соҳаларни бўлгани каби санъат ва маданиятни ҳам қўллаб-қувватлаш керак.
Хивада «Лазги» II халқаро рақс фестивали ўтказилади
25−30 апрель кунлари Хива шаҳрида иккинчи маротаба «Лазги» халқаро рақс фестивали бўлиб ўтади. Маданият вазирлигига кўра, ҳозиргача 18 та давлатдан рақс гуруҳлари фестивалда қатнашиш истагини билдирган. Ғолиблар диплом, статуэтка ва пул мукофоти билан тақдирланади.
Маданият вазирлиги «Овоз» телелойиҳаси учун салкам 2 млрд сўм ажратади
Маданият вазирлиги ўзининг бюджет маблағлари ҳисобидан 2024−2025 йилларда The Voice of Uzbekistan («Овоз») телелойиҳаси учун салкам 2 млрд сўм ажратади. Маблағ телелойиҳа иштирокчиларининг устозлари, бадиий раҳбар, мусиқа директори ва созандалар учун гонорар тўлашга сарфланиши келтирилган.
Тошкентдаги Artdocfest Asia кинофестивали тегишли рухсатнома олинмагани учун тўхтатилди — Маданият вазирлиги
Тошкентдаги Artdocfest Asia доирасида Украинадаги уруш ҳақидаги «Шарқий фронт» фильми намойиши тўхтатилди. Кейинроқ фестиваль директори дастурнинг бошқа намойишлари ҳам тақиқланганини хабар қилди. Маданият вазирлиги бунга ташкилотчилар белгиланган тартибда рухсат олмагани сабаб бўлганини билдирди.
«Маданият соҳасида иқтисодий манфаатдорлик абгор аҳволда» — Озодбек Назарбеков
Ўзбекистон Маданият вазири Озодбек Назарбеков соҳани тўлиқ рақамлаштириш ва иқтисодий манфаатдорликни яхшилаш зарурлигини айтди. «Бу икки масала бутунлай ечим топса, шундан кейин соҳа ғояга ишлайди», — деди у. Унга кўра, соҳада сифатни таъминлашда иқтисодий манфаатдорлик ҳам муҳим омил ҳисобланади.
Маданият вазирлиги «маданиятли инсонлар»га кўнгилочар тадбирлар учун бепул чипталар совға қилмоқчи
Маданият вазирлиги газ ва электрдан қарзи йўқ, маъмурий жавобгарликка тортилмаган «намунали ва маданиятли инсонлар»ни аниқлаб, уларга кўнгилочар тадбирларга бепул чипталар совға қилмоқчи. «Лойиҳа ҳали тўлиқ ишлаб чиқилмаган, бунинг учун бироз вақт керак», — деди вазирлик ходими.
«Россия санъаткорлари учун дунёда майдонлар қисқариб кетди» — Озодбек Назарбеков
Маданият вазири Озодбек Назарбеков хорижлик хонандаларнинг Ўзбекистондаги концерти тадбиркорлар томонидан ташкил этилишини айтди. У россиялик қўшиқчиларнинг Ўзбекистонда концерт бериши ҳақида гапираркан, «улар учун дунёда майдонлар қисқариб кетди, шу сабаб бўш майдон қидиришга маҳкум», деди у.
«Вазирлик боғча опа эмас». Озодбек Назарбеков — санъаткорларга чора кўриш ҳақида
Маданият вазири Озодбек Назарбеков тармоқларда номақбул ҳаракатлар қилаётган санъат вакилларига чора кўриш ҳақидаги саволга жавоб берди. У «вазирлик боғча опа эмаслиги, назорат қилиш демократик нормага тушмаслиги»ни айтди. «Уларга чора кўрсак, либерал тараф мутлақ норози бўлади», — деди у.
«Уларнинг ҳаммаси ҳам қўшимча даромад топавермайди». Маданият вазирлиги — санъаткорларнинг уй-жой олишига субсидия ажратиш таклифи ҳақида
Маданият вазирлиги соҳа вакилларининг уй олишида тўловнинг 50 фоизини қоплаб беришни таклиф қилди. Лойиҳа муҳокамаларга сабаб бўлгач, вазирлик бунга муносабат билдираркан, «соҳа вакилларининг ҳаммаси ҳам тўй-ҳашам ёки бошқа тадбирлардан қўшимча даромад топиш имкониятига эга эмас», дея таъкидлади.
2024 йилда Маданият вазирлигига бюджетдан 1,1 трлн сўм ажратилиши кутилмоқда. Пуллар нимага сарфланади?
2024 йилда давлат бюджетидан Маданият вазирлигига 1,1 трлн сўмдан кўпроқ маблағ ажратиш режалаштирилмоқда. Вазирлик харажатлари орасида давлат буюртмасига асосан миллий кино маҳсулотларини яратиш, Тошкент халқаро кинофестивалини ўтказиш каби бандлар мавжуд.
Маданият вазирига иккита биринчи ўринбосар тайинланди
Маданият вазири Озодбек Назарбековга Баҳодир Аҳмедов ва Авазхон Таджиханов биринчи ўринбосар этиб тайинланди. Шунингдек, Юсуфжон Усмонов маданият вазирининг ўринбосари бўлди.
Ўзбекистон маданият вазирига биринчи ўринбосар тайинланди
Адлия вазирлиги тизимида ишлаб келаётган Авазхон Таджиханов Ўзбекистон маданият вазирининг биринчи ўринбосари этиб тайинланди.
Маданият вазирлиги санъаткорлар ҳақидаги портал зарурлигини асослашга уринди
Маданият вазирлигининг хабар беришича, санъаткорлар ҳақидаги портал тўй ва бошқа тадбирларни режалаштираётган мухлисларга ижрочилар билан бевосита алоқада бўлишга ёрдам беради. Сайтда нафақат 10 га яқин санъаткор, балки соҳанинг бошқа вакиллари ҳақидаги маълумотлар жойлаштирилади, дейди вазирлик.
Энг кўп ўқилган хабарлар | Сўнгги янгиликлар
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Қурилиш вазирлиги «халқ томонидан тан олиниб келинаётган» УЖМШлар ишига аралашганлик учун жавобгарлик билан таҳдид қилди
- Ўзбекистонда метан заправкаларга газ етказиб бериш вақтинча чекланди
- Зеленский АҚШ билан фойдали қазилмалар бўйича шартнома имзолашдан бош тортди — WP
- Пенсияни автоматик — аризасиз тайинлаш режалаштирилмоқда
Қўшимча имкониятлардан фойдаланиш учун сайтда рўйхатдан ўтинг